اہل بیت(ع) نیوز ایجنسی ابنا: فائرنگ کے واقعات کے اندراج کے مرکز کی رپورٹ کے مطابق گذشتہ چوبیس گھنٹے کے دوران امریکہ کی مختلف ریاستوں میں فائرنگ کے ساٹھ واقعات رونما ہوئے جن میں تیئیس افراد ہلاک اور چوالیس دیگر زخمی ہو گئے۔
رپورٹ میں کہا گیا ہے کہ پنسیلوانیا، جورجیا، مینے سوٹا اور نبراسکا میں فائرنگ کے سب سے زیادہ واقعات پیش آئے۔
امریکہ میں اسلحہ رکھنے کی مکمل آزادی ہے جس کی وجہ سے فائرنگ کے واقعات اس ملک میں معمول بن گئے ہیں۔ امریکہ میں فائرنگ کے واقعات میں ہر سال ہزاروں افراد ہلاک اور زخمی ہو جاتے ہیں۔
طاقتور اسلحہ لابی کے دباؤ اور اثر و رسوخ کی وجہ سے کوئی بھی حکومت، ملک میں گن کنٹرول قوانین وضع کرنے میں کامیاب نہیں ہو سکی ہے۔
.......
/169
